“Xogos tradicionais galegos para tempos de recollida” continúa a aumentar os seus contidos.

Recentemente faciamos chegar esta iniciativa de “Patrimonio Lúdico Galego”. Pois ben, que saibades que dende o comezo da súa andadura e ata hoxe os contidos dispoñibles aumentaron considerablemente.

Polo tanto, volvemos a convidarvos a acceder á web posta en marcha mediante esta iniciativa e gozar das actividades propostas:

Nota de prensa sobre a iniciativa “Xogos para estes días”.

Onte informabamos desta iniciativa, e hoxe queremos facervos chegar que ten sido enviada unha nota de prensa e que podedes visualizar facendo clic na seguinte imaxe:

Agardamos as vosas contribucións e que fagades difusión da iniciativa!

“Xogos tradicionais galegos para tempos de recollida”.

Neste mal momento que nos toca vivir xorden un grande número de iniciativas. Moitas delas dirixidas á rapazada, e dende Patrimonio Lúdico Galego faise unha achega específica denominada “Xogos tradicionais galegos para estes días de recollida”, á cal podedes acceder facendo clic na seguinte imaxe:

 

Consta de varios apartados, pero queremos destacar “Xogos para estes días”, unha escolma de xogos para ser practicados en espazos pequenos e por poucos xogadores, así coma de enredos para construír con materiais ao alcance da maioría.

Brinquedia, coma participante deste movemento, está a facer as súas achegas e a contribuír á súa difusión.

Así mesmo, esta iniciativa aparece recollida noutra máis ampla coma é “Aulas Galegas”, no seu apartado de “Recursos na rede”:

Agardamos que esta iniciativa axude a encher ese enorme tempo do que dispón agora mesmo a rapazada, así coma para demostrar outra vez que os xogos “de sempre” seguen a ter (e deben) cabida na nosa sociedade.