O pasado sábado celebrabamos en San Sadurniño a duodécima edición do Encontro Escolar de Xogos Tradicionais.
Entre alumnado, profesorado acompañante, familias, colaboradores e membros da organización, déronse cita neste evento máis de 400 persoas.
Afortunadamente, a climatoloxía acompañou e o Encontro celebrouse sen incidencias.
Dende Brinquedia só nos queda agradecer o labor de tantas entidades e persoas que axudaron a que esta actividade puidera levarse a cabo. A saber:
- Concello de San Sadurniño, pola súa colaboración á hora de organizar e de prestar todas as facilidades que estaban nas súas mans.
- Ao voluntariado e ao profesorado dos CIFP Ánxel Casal (A Coruña) e Ferrolterra (Ferrol), porque sen eles os xogos da mañá non serían o mesmo.
- A Manolo e Pepe, por volver agasallarnos cun fabuloso Obradoiro de Enredos.
- A Gadisa e Feiraco, por proporcionarnos vituallas para repoñer forzas.
- A Sedega, polo empréstito de materiais (carpas, mesas, materiais de xogos, …) así coma dun vehículo para o transporte dos mesmos.
- Á Asociación Torneiros de Madeira “Virutas”, por botar toda a xornada coas súas fantásticas demostracións.
- A OZOCOgz, por demostrar que é posible comercializar produtos co selo da nosa cultura.
- Ás entidades colaboradoras nas actividades da tarde:
- Asociación de Amigos da Chave de Ferrolterra.
- Chave de Santiago.
- Arcasco, cos seus Birlos da Órrea.
- Birlos de Parada de Sil.
- Ecobateas, levando a billarda.
- Xotramu, coa súa variedade de xogos e entretementos.
- A “A Cambadela“, coa súa espectacular proposta de Loita Tradicional Galega.
- Á Asociación de Veciños “O Castelo” de Narahío, pola súa actividade de aserrado con tronzador.
E como máis vale unha imaxe ca mil palabras, deixámosvos cun vídeo caseiro que pensamos que reflicte moi ben todo o sucedido neste Encontro (clic na imaxe para visualizalo):
