Arquivo da categoría: dia do peón

XVIII edición do Día do Peón

Desde 2005, Brinquedia convoca o Día do Peón cadrando coa festividade do San Martiño. Polo mesmo, convidamos a todos os centros educativos, asociacións, colectivos, administracións e persoas a título individual a facer bailar un peón o 11 de novembro.

Na presente XVIII edición, o acto central celebrarémolo na praza Jorge Mira de Baio, no Concello de Zas. Contaremos coa colaboración do propio concello, do CEIP Labarta Pose e do CPI de Zas. Será o día 11 de novembro ás 11 horas.

O manifesto redactouno un antigo mestre do colexio, Manuel Esteban Lema Pérez, Stevo de Zas. (Preme para descargalo).

Descarga o cartel

No apartado recursos da nosa web podes ver algúns materiais, dos que adiantamos aquí unha proposta colaborativa de actividades. E xa sabes, se participas no Día do Peón, agradecémoste que despois cubras esta enquisa. Porque Polo San Martiño, peóns ao camiño! Deixemos que os peóns invadan as nosas aldeas, vilas e cidades!

Día do Peón 2022

PEÓN, peona, peonza, peonceta, repeón, piñón, buxaina, buxa, trompo, trompa, bailarico, bailareta, bailarete, bailarela, bailarín, bailarina, bailón, danzarico, danzarete, vira-vira, billa, biombo, bóla, borracha, curro, mazarico, nosella, piruleta, pizarillo… son moitos dos nomes que a profesora Rosario Álvarez recolle na comunicación “Variación lingüística e historia cultural. Palabras peregrinas polo Camiño francés a Compostela“. Unha riqueza lingüística e patrimonial que desde Brinquedia expandimos nunha nova convocatoria do Día do Peón!

Aquí podes descargar o cartel

Onde? En todos os centros educativos de Galicia que o desexen.

Cando? O venres 11 de novembro, día de San Martiño.

Acto central. O evento principal desenvolverase no Concello de Brión, na Carballeira de Santa Minia.

Con quen? A lectura do manifesto correrá a cargo de Lucho Penabade, actor, director, guionista e membro do grupo de teatro Os Quinquilláns.

Descarga o manifesto e lédeo nos vosos actos!

Coa colaboración do Concello de Brión.

Queres traballar sobre o peón en clase, nun grupo ou asociación? No apartado recursos da nosa web tes algúns materiais para facelo.




Acto Central do Día do Peón 2018

Cun pouco de atraso facemos chegar información sobre o acontecido no Acto Central do Día do Peón deste ano, o cal celebrouse na Praza de San Gregorio de Carnota.

A TVG fíxose eco do evento no seu programa “Fun polo aire”, e facendo clic na seguinte imaxe accederedes ao programa no que se emitiu a nova deste acto.

A reportaxe en cuestión comeza no minuto 49 e 38 segundos. Na parte inferior hai un índice que permite facelo automaticamente facendo clic sobre “O trompo non pasa de moda!”.

Xa para rematar, só nos queda agradecer ao Concello de Carnota as facilidades prestadas para desenvolver o evento.