Arquivo da categoría: dia do peón

Día do Peón 2022

PEÓN, peona, peonza, peonceta, repeón, piñón, buxaina, buxa, trompo, trompa, bailarico, bailareta, bailarete, bailarela, bailarín, bailarina, bailón, danzarico, danzarete, vira-vira, billa, biombo, bóla, borracha, curro, mazarico, nosella, piruleta, pizarillo… son moitos dos nomes que a profesora Rosario Álvarez recolle na comunicación “Variación lingüística e historia cultural. Palabras peregrinas polo Camiño francés a Compostela“. Unha riqueza lingüística e patrimonial que desde Brinquedia expandimos nunha nova convocatoria do Día do Peón!

Aquí podes descargar o cartel

Onde? En todos os centros educativos de Galicia que o desexen.

Cando? O venres 11 de novembro, día de San Martiño.

Acto central. O evento principal desenvolverase no Concello de Brión, na Carballeira de Santa Minia.

Con quen? A lectura do manifesto correrá a cargo de Lucho Penabade, actor, director, guionista e membro do grupo de teatro Os Quinquilláns.

Descarga o manifesto e lédeo nos vosos actos!

Coa colaboración do Concello de Brión.

Queres traballar sobre o peón en clase, nun grupo ou asociación? No apartado recursos da nosa web tes algúns materiais para facelo.




Acto Central do Día do Peón 2018

Cun pouco de atraso facemos chegar información sobre o acontecido no Acto Central do Día do Peón deste ano, o cal celebrouse na Praza de San Gregorio de Carnota.

A TVG fíxose eco do evento no seu programa “Fun polo aire”, e facendo clic na seguinte imaxe accederedes ao programa no que se emitiu a nova deste acto.

A reportaxe en cuestión comeza no minuto 49 e 38 segundos. Na parte inferior hai un índice que permite facelo automaticamente facendo clic sobre “O trompo non pasa de moda!”.

Xa para rematar, só nos queda agradecer ao Concello de Carnota as facilidades prestadas para desenvolver o evento.

Día do Peón 2016: que pasou?

Con máis retraso do que contabamos, velaí vai a crónica desta edición do Día do Peón.

Segundo os datos facilitados, e sendo sabedores de que participaron bastante máis centros, temos elabourado un mapa cos centros educativos participantes (que inclúe a un centro vasco) que nos facilitaron os seus datos de participación.

As lendas de cores son as seguintes:

  • En cor verde: inclúense ligazóns a publicacións web relacionadas coa actividade.
  • En cor azul: non hai dispoñibles ligazóns.
  • En cor malva: desenvolvemento do Acto Central.

mapapeon2016

Os datos resumidos:

  • 27 centros educativos.
  • Máis de 4.300 alumnos e alumnas participando.
  • Preto de 300 mestras e mestres colabourando.

Agardamos que en vindeiras edicións podamos encher de máis puntiños este mapa, e animamos a que todas as futuras participacións nos fagar chegar información ao respecto.

Xa para rematar, agradecemos publicamente os ánimos e verbas recollidas para seguir dándolle continuidade a esta iniciativa.