Audiovisuais dende o CEIP Mosteiro de Caaveiro

O curso pasado a escola da Capela participou nun dos Contratos-Programa da Consellería de Cultura, Educación e Ordenación Universitaria.
O seu obxectivo era crear uns audiovisuais, feitos polos nenos e nenas, para difundir “doutro xeito” o seu proxecto de xogos Brinquedos.
Velaí vai o que saíu.
Capela contratosprograma

V Jornadas da História dos Jogos em Portugal

Entre o 29 de setembro e o 1 de outubro desenvolveranse estas interesantes xornadas.

Aquelas persoas interesadas no evento poderán atopar toda a información necesaria facendo clic na seguinte imaxe:

jornadasinternacionaisjogos_min

X Encontro Escolar de Xogos Tradicionais, que pasou?

O sábado 4 de xuño de 2016 deuse cita en Muimenta alumnado de varios centros educativos galegos para participar nesta festa dos xogos tradicionais, moitos deles acompañados tanto por profesorado coma por membros da súas familias.

E foi máis festa que nunca, porque tivemos a oportunidade de compartir tempo e espazo coa VIII Festa de Xogos Tradicionais organizada por Xotramu, a quen lles estaremos eternamente agradecidos pola colaboración prestada para poder realizar esta actividade en conxunto.

E xa que estamos de agradecementos, velaí van aos demais colaboradores:

  • A Gadisa e Feiraco, polo aporte de suministros para a paradiña de media mañá.
  • Ao Mupega, por fornecernos de camisetas.
  • A Manolo e Pepe, por outro fantástico obradoiro de enredos.
  • Ao voluntariado dos diferentes ciclos de Formación Profesional que tan ben dinamizaron os xogos da mañá.
  • Aos xa habituais representantes das diferentes chaves galegas: de Santiago, Ourense e Ferrolterra.
  • Á Cambadela (A Estrada), por outra fantástica mostra da nosa Loita Tradicional.
  • Á Asociación Carballo Vivo (Friol), por volver facer voar os seus goxos.

E do acontecido, para mostra un botón (ou unha che deles). Velaí vaivos unha galería de imaxes cos xogos da mañá e, a continuación, unha ligazón á emisión que fixo a TVG sobre este evento.

A partires do 30′ 35”

Captura_Lun Xuñ 13 21:15:1