“O recuncho das argalladas”: exposición permanente sobre o xoguete tradicional en Lourenzá.

Da man de dous vellos colaboradores, Manolo García e Pepe López, atopamos esta exposición ubicada na Fortaleza de Tovar,  a cal foi inaugurada recentemente. Na súa páxina web pódese atopar o horario de visitas:fortalezatovar

Para quen quera saber máis do que se pode atopar na mesma recomendamos a lectura dun texto dos seus autores, á cal poderedes acceder facendo clic na seguinte imaxe:

rinconxoguete

Sabendo da traxectoria destes compañeiros só nos queda recomendar encarecidamente a súa visita, así como desexarlles o éxito e a repercusión que merecen estas iniciativas a prol do xogo e do xoguete tradicional.

Reunións na Xunta de Galicia

Este luns 17, representantes de diversas entidades promotoras do xogo e o deporte tradicional galego (Brinquedia, Etnoga, Xotramu, Asociación Galega do Xogo Popular e Tradicional e do Museo Etnolúdico de Galicia) foron recibidos por Marta Míguez (Secretaria Xeral para o Deporte) e Anxo Lorenzo (Secretario Xeral de Cultura) a quen se lles expuxeron as necesidades do patrimonio lúdico no tocante á súa protección e difusión.

IMG-20170417-WA0001 IMG-20170417-WA0002

 

Agradecemos que nos atenderan e agardamos ver resultados pronto.

Encontro Internacional de Xogos Tradicionais

Do 21 a o 23 de abril celebrarase un Encontro Internacional de Xogos Tradicionais organizado pola Asociación Cultural La Tanguilla (Aranda de Douro) no que estarán presentes entidades de Francia, Portugal e España.

Podedes atopar máis información do mesmo facendo clic na seguinte imaxe:

encuentrointernacional