Día do Peón 2022

Publicado o 13/10/2022 por | Comentarios desactivados en Día do Peón 2022

PEÓN, peona, peonza, peonceta, repeón, piñón, buxaina, buxa, trompo, trompa, bailarico, bailareta, bailarete, bailarela, bailarín, bailarina, bailón, danzarico, danzarete, vira-vira, billa, biombo, bóla, borracha, curro, mazarico, nosella, piruleta, pizarillo… son moitos dos nomes que a profesora Rosario Álvarez recolle na comunicación “Variación lingüística e historia cultural. Palabras peregrinas polo Camiño francés a Compostela“. Unha riqueza lingüística e patrimonial que desde Brinquedia expandimos nunha nova convocatoria do Día do Peón!

Aquí podes descargar o cartel

Onde? En todos os centros educativos de Galicia que o desexen.

Cando? O venres 11 de novembro, día de San Martiño.

Acto central. O evento principal desenvolverase no Concello de Brión, na Carballeira de Santa Minia.

Con quen? A lectura do manifesto correrá a cargo de Lucho Penabade, actor, director, guionista e membro do grupo de teatro Os Quinquilláns.

Descarga o manifesto e lédeo nos vosos actos!

Coa colaboración do Concello de Brión.

Queres traballar sobre o peón en clase, nun grupo ou asociación? No apartado recursos da nosa web tes algúns materiais para facelo.




Comentarios desactivados en Día do Peón 2022

Publicado en dia do peón, novas

Etiquetado , , ,

Día do Peón 2021

Publicado o 26/10/2021 por | Deixar un comentario

Outro ano máis, e coma xeito de achegarnos a unha certa normalidade, dende Brinquedia Rede Galega do Xogo Tradicional volvemos lanzar a convocatoria de celebración do Día do Peón.

Boas novas supuxeron hoxe a relaxación de certas medidas nas nosas escolas que favorecen a posibilidade de realizar actividades deste tipo. Iso si, respectando en todo momento as consideracións recollidas no pertinente protocolo.

Polo tanto achegámosvos tanto o cartaz desta edición coma o Manifesto, os cales podedes descargalos facendo clic nas seguintes imaxes:

E lembrade que, no apartado de “Recursos” desta páxina web, poderedes atopar diferentes actividades relacionadas con este evento.

Xa só nos queda pedirvos que remexades nos caixóns onde teñades recollidos os vosos peóns e piolas, porque en nada … Hai que darlles uso!

Deixar un comentario

Publicado en novas

IV PREMIO GARABATO Á CONSERVACIÓN DO PATRIMONIO

Publicado o 19/09/2021 por | Deixar un comentario

O mundo do patrimonio lúdico está de noraboa. O 11 de setembro desde 2021 un dos seus membros, a Asociación Galega do Xogo Popular e Tradicional (AGXPT) recibe en Palas de Rei o premio Garabato á conservación do patrimonio.

Un premio instituído por tres asociacións e que vén a recoñecer toda unha traxectoria a prol do noso patrimonio lúdico (máis información facendo clic na seguinte imaxe).

Dende Brinquedia queremos transmitir a ledicia que este recoñecemento produce, mais tamén o orgullo dos soños compartidos.

Parabéns e mil primaveras máis para os nosos xogos tradicionais.

Deixar un comentario

Publicado en novas