Bonita sorpresa levamos hoxe a xente que estamos a traballar a prol do xogo tradicional.
Google, o buscador de internet por excelencia, adica o seu Doodle (a imaxe representativa do día) ao Día do Pai, e non elixe mellor imaxe que a dun pai xogando cos seus fillos … nunha carrilana!
Agardamos que cada vez o xogo tradicional teña máis presenza na vida cotiá tanto de pequenos coma de maiores, e consideramos moi positiva accións coma esta.
Conseguiremos que algún ano o Día do Peón tamén teña Doodle?
