ENCONTRO ESCOLAR

Atopámonos traballando xa de cheo na undécima edición do Encontro Escolar de Xogos Tradicionais, que este ano terá lugar o sábado 27 de maio no concello de Narón.

Onde concretamente? Nas instalacións do CPI do Feal (rúa Río Seco, s/n, O Feal).

DSC_0142

Desexamos destacar que nesta edición contaremos coa colaboración do Concello de Narón para a organización das diferentes actividades. Xa dende estes momentos agradecemos as facilidades que están a prestar para poder facer realidade, un ano máis, un dos maiores eventos galegos de xogos tradicionais.

DSC_0232

O PROGRAMA será moi semellante ao de edicións anteriores, estamos a pechar o definitivo en función das posibilidades de asistencia de colaboradores para as actividades da tarde.

  • 10:30-11:00: chegada e recepción de participantes.
  • 11:00-14:00:
    • Práctica de xogos: batería de 30 xogos.
    • Obradoiro de construción de enredos.
    • Obradoiro de xogos musicais.
    • Demostracións de artesáns.
    • Espazos expositivos e de venda.
  • 14:00-15:30: parada para xantar.
  • 15:30-17:30:
    • Exhibición e práctica de xogos e deportes:
      • Chaves de Ferrolterra, Ourense e Santiago.
      • Loita Tradicional Galega (A Cambadela, A Estrada)
      • Billarda.
      • Birlos de Parada de Sil.
      • Arrebolamento do goxo e Piñagoxo (Asociación Carballo Vivo, Friol).
      • XOTRAMU (Xogos Tradicionais de Muimenta).
      • Asociación Galega do Xogo Popular e Tradicional.
      • Outros pendentes de confirmación.
    • Actividade para os/as máis pequenos/as: Compañía Paporrubio co espectáculo “Paporrubio”.
    • Entrega de agasallos a alumnado participante e colaboradores/as.

Todos os centros ou entidades interesados en tomar parte no evento, deberán cubrir o seguinte formulario (faise en liña, non hai que descargar nada). Ao respecto, moi importante:

  • Os centros educativos deberán enviar a conformidade do Consello Escolar para participar na actividade ao correo electrónico de Brinquedia (brinquedia@brinquedia.net).
  • O prazo límite para cubrir o formulario e poder garantir os agasallos para o alumnado é o mércores 10 de maio.
  • Nesta ocasión un dos agasallos para o alumnado será unha camiseta conmemorativa. De non facilitar as talles precisas, a organización non garante a correcta distribución das mesmas.

Captura_Sáb Mar 25 19:21:2

E coma documentos anexos que completan a información, aquí os poñemos á vosa disposición:

Cartaz_Encontro_2017

O cartaz

Xogos Encontro Os xogos da mañá

As normas xerais que rexerán o desenvolvemento da actividade serás as seguintes:

normasxerais

Así mesmo, un exemplo dos posibles xogos musicais:

O xogo da carrasquiña.    O señor da serra.   O lambonciño.

O caranguexo.   O caminho de Viseu.   A pulga na palla.

Para quen nunca acudiu ao Encontro e desexa ver dunha forma máis gráfica en que consiste, aí ten o vídeo dunha edición anterior:

videoencontro

Para solventar calquera dúbida ou para realizar propostas, podedes contactar con nós no seguinte correo electrónico: brinquedia@brinquedia.net