directiva Brinquedia
O pasado sábado, 22 de maio de 2010, baixo un sol abrasador, reuníronse no Pazo de Feiras e Congresos de Lugo uns 500 rapaces e rapazas de ensino público de toda Galiza. Para organizar os xogos houbo todo un equipo de voluntarias/os que xunto coas persoas das exhibicións, profesorado, familias e demais visitantes fixeron que o total de participantes no evento se aproximase ás 800 persoas.
voluntariado do V Encontro
Grazas a todos polo voso esforzo e colaboración: centros educativos participantes, patrocinadores e colaboradores de distinto tipo. Sen todos vós non sería posible levar a cabo este labor.
Seguide, sigamos adiante cos xogos de sempre durante todo o ano e disfrutemos tamén o ano que vén durante este día de festa todos xuntos.
