Dentro deste congreso, que se celebra entre os días 3 e 5 de novembro na Facultade de Ciencias da Educación da Universidade de A Coruña, o xogo tradicional terá presenza grazas a dúas intervencións.
O xoves 3 de novembro, o investigador galego Apolinar Graña Varela exporá a seguinte comunicación: “Unha aproximación etnográfica aos xogos populares e aos seus valores”.
O venres 4 de novembro haberá unha conferencia, impartida pola profesora da Universidade de Valencia Estefanía Sales Borrás, sobre “Os xogos e deportes tradicionais no currículo educativo. Modelos de recuperación e práctica”.
