Arquivos mensuais: Setembro 2021

IV PREMIO GARABATO Á CONSERVACIÓN DO PATRIMONIO

O mundo do patrimonio lúdico está de noraboa. O 11 de setembro desde 2021 un dos seus membros, a Asociación Galega do Xogo Popular e Tradicional (AGXPT) recibe en Palas de Rei o premio Garabato á conservación do patrimonio.

Un premio instituído por tres asociacións e que vén a recoñecer toda unha traxectoria a prol do noso patrimonio lúdico (máis información facendo clic na seguinte imaxe).

Dende Brinquedia queremos transmitir a ledicia que este recoñecemento produce, mais tamén o orgullo dos soños compartidos.

Parabéns e mil primaveras máis para os nosos xogos tradicionais.