Arquivos mensuais: Xuño 2017

Presentación da base de datos de “Patrimonio Lúdico Galego”.

Na mañá do día de hoxe, o Consello da Cultura Galega acolleu a presentación da “Guía de recursos sobre o patrimonio lúdico galego”.

IMG-20170616-WA0003

patrimonioludico

Trátase dunha compilación de recursos dispoñible nos seguintes enderezos web: www.xogostradicionais.gal e www.xogospopulares.gal … o cal é froito da colaboración de diferentes entidades que traballan a prol da promoción e recuperación dos xogos e deportes tradicionais galegos como  Asociación Galega do Xogo Popular e Tradicional, Brinquedia, Etnoga, Melga (Museo etnolúdico de Galicia) ou  Xotramu (Xogos Tradicionais de Muimenta), así como doutras persoas colaboradoras a título individual.

PLG_logo

Agardamos que esta guía se constitúa nun referente de consulta para todas aquelas persoas con inquedanzas relacionadas co eido do xogo tradicional, e que coas achegas que se reciban configure un mapa veraz da realidade do mesmo en Galicia.

Actualización de “madriñas e padriños”.

No pasado Encontro Escolar de Xogos Tradicionais volvemos poñer en marcha a iniciativa “Apadriña un xogo”. Con ela pretendemos dúas cousas: concienciar sobre a necesidade de preservar o noso patrimonio lúdico, así como obter unha pequena cofinanciación para as actividades que desenvolve Brinquedia (a este respecto, queremos destacar que só en casos moi puntuais obtivemos subvencións das administracións).

Se apadriñaches ou amadriñaches un xogo, podes buscarte no apartado “Apadriña un xogo” ou ben facendo clic na seguinte imaxe:

Cartazapadriña

E se aínda non apadriñaches ou amadriñaches e estás interesado/a, atoparás como facelo.