Arquivos mensuais: Outubro 2016

Convocatoria do Día do Peón 2016

logo_dia_do_peon

Outro ano máis,  achegándonos ao mes de novembro, temos a ben convocar a celebración do Día do Peón. E con esta xa van unha ducia de edicións!

Baixo o lema de “Polo San Martiño, peóns ao camiño”, pretendemos que o día 11 de novembro se convirta nunha data na que os peóns tomen as prazas e rúas do país.

lonapeon

Así, nun correo electrónico enviado aos centros de ensino galegos e a outras entidades e asociacións, convidamos a participar nesta actividade e a fomentar a recuperación do noso patrimonio lúdico.

A documentación elaborada para esta edición é a seguinte, podéndose descargar ou acceder a cada un dos documentos facendo clic na súa respectiva imaxe:

cartazpeon2016_red     ligazons de interese

                Cartaz                               Ligazóns de interese

pasapalabrapeon              manifesto

           Pasapalabra do Peón                    Manifesto (escrito por Xabier Docampo)

Paneis baldufa  propostaactividades

Exposición “O peón, un mundo de amigos”     Proposta de actividades

recollida

Cuestionario de recollida de datos para os centros participantes (cumprimentación en liña)

Por outra banda, na nosa canle de Brinquedia en Youtube, hai colgados uns vídeos que consideramos poden ser do voso interese.

Xa para rematar, podemos confirmar que o Acto Central celebrarase este ano no MELGA (Museo Etnolúdico de Galicia) en Ponteceso (provincia de A Coruña), acto no que xa hai centros convidados e para o que todavía se acepta a participación doutros.

Nacemento dunha Liga de Bolos en Boiro.

Organizada polo Clube de Bolos de Boiro, ponse en marcha a primeira Liga de Bolos Individual da provincia de A Coruña.

Podedes atopar máis información ao respecto no publicado na edición dixital de “La Voz de Galicia”, edición do Barbanza, facendo clic na seguinte imaxe:

ligabolosboiro

 Só nos queda desexarlle á entidade organizadora un éxito de participación e duración.