Durante a celebración do VIII Encontro Escolar de Xogos Tradicionais, que como xa saberedes desenvolverase na localidade de Cabreiros (Concello de Xermade, Lugo) o sábado 31 de maio, contaremos co privilexio de realizar unha presentación da última obra de Xosé López González e Jose M. García Fernández: “Xoguetes naturais. Primavera-Verán”, publicado pola editorial Ouvirmos. Podedes atopar máis información sobre esta obra facendo clic na seguinte imaxe:
O acto de presentación terá lugar pola tarde, e non podemos confirmar de momento a hora do mesmo por estar rematando cuestións organizativas.
E o privilexio será por partida dobre, xa que durante as actividades da mañá estes dous veteráns colaboradores de Brinquedia estarán á fronte do Obradoiro de Construción de Enredos.
