Arquivos mensuais: Decembro 2012

A Asociación Cultural “Ponte… nas ondas!” convoca o seu XIX certame.

Baixo o título de “Re-creármonos co patrimonio lúdico“, esta veterana asociación ven de convocar un certame centrado na recuperación de aspectos tales coma xogos, xoguetes e enredos.

Tal e como indican na súa convocatoria “trátase de participar realizando un programa audiovisual (en formato audio ou vídeo) que teña unha relación co tema proposto nesta edición: o lecer e o patrimonio lúdico galego-portugués“.

Pódese obter máis información na súa páxina web www.pontenasondas.org ou facendo clic na seguinte imaxe (cartaz do certame).


Mapa do Día do Peón 2012

Aquí temos a distribución xeográfica de participantes nesta edición do Día do Peón.

Agradecémoslle a tódolos centros participantes a información enviada sobre a súa implicación nesta actividade.

Así mesmo, destacamos a participación, un ano máis, da Ikastola Alkartu de Barakaldo, onde máis de 600 persoas entre alumnado, profesorado e familias tomaron parte no evento. Pódese atopar máis información ó respecto nesta ligazón, así coma visualizar unha galería de fotos.

Ademais, tamén fíxose eco desta actividade o Instituto de Flix (Tarragona). Pódese atopar máis información neste blogue.

Mostra sobre traballos dixitais ó redor do peón.

Dende o CEIP de Vite achegan un par de exemplos de traballos dixitais elaborados polo seu alumnado relacionados co peón.

Noraboa a estes alumnos e alumnas, e ó profesorado que tivo a boa idea de encamiñalos nestes traballos.

En primeiro lugar vai o traballo elaborado por Leo Espiña Otero, de 5º de Educación Primaria: ligazón.

E agora o de dous nenos de 6º de Primaria, Pablo e Marcos: ligazón.