BRINQUEDIA

I curso de patrimonio lúdico

A Asociación Galega do Xogo Popular e Tradicional, xunto a Nova Escola Galega, ven de convocar o I Curso de formación sobre o patrimonio lúdico. “Os xogos tradicionais. Perspectiva educativa”, que se vai desenvolver nas instalacións do IES de Melide os días 2 e 3 de outubro de 2009

O curso ten un límite de 80 prazas e está dirixido ao profesorado de ensino primario e secundario, así como a Educadores/as do Tempo Libre. Para participar, hai que achegar a ficha de inscrición xunto ao xustificante de pagamento. Esta ficha pode atoparse tamén dende a web da AGXPT ou de NEG.

Máis información sobre os contidos e o procedimento do curso aquí

Actualización:

A valoración do curso será de 12 HORAS (en trámite a homologación da actividade por parte da Consellería de Educación e Ordenación Universitaria).

A matrícula terá os seguintes custes:

• Até 27 de setembro de 2009:

1. Socias/os de Nova Escola Galega: 15 euros.
2. Estudantes e paradas/os: 15 euros (é precisa xustificación documental).
3. Cota ordinaria: 25 euros.

• A partir do 28 de setembro de 2009:

1. Socias/os de Nova Escola Galega: 25 euros.
2. Estudantes e paradas/os: 25 euros (é precisa xustificación documental).
3. Cota ordinaria: 35 euros.

Forma de pagamento:

Transferencia bancaria á conta da AGXPT en Caixa Galicia

2091 – 0337 – 84 – 3040006072

Hoxe 19 de setembro tivo lugar unha reunión da xunta directiva onde se trataron varios asuntos, especialmente os relativos ao próximo “Día do peón” a celebrar no mes de novembro, a presenza de Brinquedia no congreso internacional realizado en Peñaranda del Duero así como a súa presenza na asemblea ordinaria da asociación internacional JUGAJE e as xuntanzas que estes días realizaron membros da directiva coa administración da Xunta de Galicia, concretamente coa Secretaría Xeral para o deporte e a Consellería de Educación.

Presentación dinámica dos centros de interese e actividades ceadas por Brinquedia.