Category Archives: novas

Proxecto europeo: xogos tradicionais, inclusión social e igualdade de oportunidades.

Este proxecto, denominado OPPORTUNITY, atópase en fase de elaboración. Basicamente consiste en favorecer a inclusión social e a igualdade de xénero a través dos Xogos Tradicionais.

A participación está aberta a centros educativos, centros de ocio, federacións de xogos deportivos ou calquera outra institución que poda estar interesada en participar nesta experiencia.

Facendo clic na seguinte imaxe pódese acceder á carta de convite, na cal atoparedes máis información respecto deste proxecto:

E, de estar interesados en participar, teredes que cubrir e enviar este cuestionario antes do 8 de marzo.

Dende Brinquedia animámosvos a tomar parte nesta interesante iniciativa.

Presentación do libro “O xogo do pau”.

Este venres, 24 de xaneiro, terá lugar en Vilagarcía de Arousa a presentación dunha nova obra coa temática do xogo tradicional.

 

Os nosos parabéns aos autores por contribuír a aumentar as referencias bibliográficas sobre a temática que nos ocupa.

Acto Central do Día do Peón 2019

Despois de ter que ser adiado debido á climatoloxía que imperou durante o mes de novembro, onte desenvolveuse ao fin o Acto Central do Día do Peón.

Coa inestimable colaboración do Concello de Outes, alumnado e profesorado do CEIP Plurilingüe de Outes puideron gozar das seguintes actividades:

  • Exposición de peóns.

  • Obradoiro de decoración de peóns.

  • Demostración en vivo dun torneiro.

 

 

 

 

 

 

  • Demostración de como se baila unha trompa.

  • E como non, xogos e baile de peóns.

 

Agardamos que toda a xente participante teña gozado da xornada tanto coma a nós nos presta fomentala.