Category Archives: novas

Xa temos nova data para o XII Encontro Escolar de Xogos Tradicionais.

Tras realizar as xestións pertinentes para a celebración do Encontro adiado este ano 2018, comprácenos informarvos sobre a nova data do evento, que se levará a cabo o 11 de maio de 2019 en San Sadurniño.

Finalmente, despois de contactar con diferentes entidades, coa proposta dunha data para setembro, e tendo en conta a posibilidade de contar con voluntariado, sen que sería imposible a súa celebración, decidiuse trasladalo para o ano seguinte, pechando con tempo o día.

Esperámosvos no XII Encontro Escolar que seguirá tendo San Sadurniño como Concello acolledor, onde pasar un bo rato cos xogos tradicionais, que ao fin e ao cabo son a nosa razón de continuar aquí. Por vós e para vós, desexamos que sigades participando e que se vaian unindo novos centros e entidades colaboradoras.

Grazas por facelo posible!

Comunicado sobre o XII Encontro Escolar de Xogos Tradicionais

Dende a Xunta Directiva de Brinquedia Rede Galega do Xogo Tradicional queremos desculparnos encarecidamente polo problema acaecido este ano co XII Encontro Escolar de Xogos Tradicionais, sendo a primeira vez que debemos adiar o evento.

O motivo da cancelación estivo ocasionado polo revés da chuvia e dun contratempo de última hora coas instalacións cubertas, considerando que a mellor opción para a seguridade, principalmente das nenas e nenos participantes, era suspender a xornada do sábado.

Sentimos as molestias ocasionadas a todas as persoas que facedes posible a celebración do Encontro Escolar de Xogos Tradicionais, pois sen vós, a vosa confianza e apoio, sería impensable continuar co evento ano tras ano:

En primeiro lugar, ás e ós participantes dos diferentes centros educativos, que cada ano vides xogar con nós, que nos motiva a continuar cada ano.

Ao voluntariado, que continua crecendo, e sen o que sería imposible a súa celebración.

Ás persoas colaboradoras dos diferentes grupos e asociacións, que sempre poñen á nosa disposición os xogos e o seu tempo.

E ás entidades patrocinadoras, como Gadis ou Feiraco, e Concellos que cada ano fan posible que o xogo tradicional teña un lugar de encontro.

Esperamos seguir contando con vós, e en breve esperamos poder aportarvos algunha nova relacionada coa xornada adiada. Grazas, grazas e novamente grazas.

Fin de semana chea de Xogos Tradicionais

Ademais do Encontro Escolar de Xogos Tradicionais organizado por Brinquedia e o Concello de San Sadurniño que celebraremos mañá, o domingo hai outra actividade semellante na cidade de Ourense.

Trátase do “II Día de los Juegos Tradicionales”, organizado polo diario “La Región”.

Facendo clic na seguinte imaxe pódese acceder á web do evento: