Category Archives: novas da directiva

Novas referentes a xuntanzas, decisións e funcionamento da directiva da asociación

V ENCONTRO ESCOLAR DE XOGOS TRADICIONAIS

Pazo de Feiras e Congresos de Lugo. Sábado, 22 de maio de 2010

cartaz V Encontro

cartaz V Encontro

Aberto o prazo de inscrición para participar no V Encontro escolar de xogos tradicionais. Nestes días (ata o 7 de maio) brindamos a todos os centros educativos de ensino non universitario de Galiza a información necesaria para que todas e todos se animen a participar en familia nun día tan sinalado.

O Encontro escolar de xogos tradicionais trata de ser un lugar de encontro lúdico para nenas e nenos de todo o país, realizado a través dos xogos tradicionais.

O obxectivo é a práctica dos xogos ao longo de todo o curso; ese día brindamos un espazo para xuntárense alumnado, profesorado e familias de centros que xa veñen disfrutando deses e outros xogos ao longo do ano. É un día para xogar e relacionarse uns cos outros, non para competir.

Mañá (10 – 14 h)

  • Práctica de xogos (dirixidos por voluntariado) por parte do alumnado participante, con rotación libre e acompañados por profesorado.
  • Obradoiros de construción de xogos ou enredos
  • Espazos expositivos: artesáns, xogueterías, librerías, asociacións …

Xantar coas familias e profesorado (14 – 16 h)

Tarde (16 – 18 h)

  • Exhibición de xogos
  • Práctica deses xogos polo alumnado e familias
  • Entrega de agasallos: un para cada participante.
OBRIGAS
  1. Deberán remitir por correo ao enderezo “Rúa dos Chaos s/n C.P.: 32001, Ourense” ou ben por correo electrónico a brinquedia tanto a ficha de inscrición cos datos requiridos  coma o certificado de participación, aprobado polo Consello Escolar.
  2. Os xogos deben ser practicados previamente nos centros escolares que se inscriban (explicación dos mesmos en anexo xa enviado).
  3. Designar a unha persoa de contacto.
  4. Asignar unha persoa a cada grupo de alumnos e alumnas que envíe o centro escolar (por grupos de idade ou ciclos, dependendo do número).
  5. Enviar cada nena ou neno de Educación infantil acompañadas/os con algún familiar.
  6. Construir alomenos unha carrilana e traela ao Encontro.
  7. Facerse cargo dos gastos de transporte.
COMISIÓN ENCARGADA DO V ENCONTRO
  • Alberto Casal: 649981841
  • Carmela Rodríguez: 616253061
  • Xabier López: 981459022
DÍPTICO DO ENCONTRO
parte anterior di d?ptico para o V encontro escolar

parte anterior di díptico para o V encontro escolar

parte posterior do d?ptico do V encontro escolar

parte posterior do díptico do V encontro escolar

Xornadas de formación de voluntariado para o V Encontro escolar de xogos tradicionais

O venres 9 de Abril na Coruña (CIFP Ánxel Casal) e o sábado 10 de Abril en Lugo (Pazo de Feiras e Congresos) celebráronse as primeiras quendas de formación do voluntariado que participará no V Encontro escolar de xogos tradicionais.

Baixo a dirección de Xabier López, Carmela Rodríguez e Alberto Casal (membros da directiva de Brinquedia), unha trintena de persoas vivenciaron as diferentes propostas lúdicas que o 22 de Maio poderán atoparse no citado Encontro escolar.

Hai que salientar a boa disposición que amosaron todas as persoas participantes, quizais tamén debido á súa formación en organización de actividades, animación e dinamización sociocultural, así como ás direccións dos centros onde se realizou dita formación, poñendo ao noso dispor as súas instalacións.

Outro feito singular é a disparidade de procedencias das participantes (en feminino, pois na súa maioría foron mulleres), tanto da nosa xeografía como incluso de fóra do país.

Formación voluntariado V encontro escolar de xogo tradicional (11 photos)
21 Abril 2010, A Coruña, Lugo
Imaxes tomadas durante a celebración da formación de voluntariado para o V Encontro Escolar de Xogo Tradicional que terá lugar o vindeiro 22 de maio en Lugo.

Note: To see the pictures in the original Picasa album, click here

Resumo da reunión da Xunta directiva do 5 de marzo

Concreción de aspectos relativos á organización do V Encontro escolar de xogos tradicionais: será o 22 de maio nas instalacións do Pazo de Feiras e Congresos de Lugo. Novidades con respecto a outros anos:

Posibles exhibicións novas, ademais das que veñen sendo habituais: bólos de Castro de Rei, as tabas, a pateza (semellante á petanca, xógase en San Tirso de Abres), yo-yó, diábolo, a cocha (chámanlle así ao xogo da porca na zona do Piornedo)

Intentarase dispoñer de espazos expositivos nos que haxa artesáns, libreirías, xogueterías… e nos que así mesmo terán cabida todas as asociacións, empresas … adheridas a Brinquedia, que o soliciten.

As voluntarias/os que sexan universitarias/os terán certificación de homologación das horas de formación. Farase, se é posible, unha xornada na Coruña (para facilitar a asistencia do alumnado do CIFP Ánxel Casal, que colabora por primeira vez como voluntariado) e outra en Lugo, nas propias instalacións.

Contactos coa Administración: producíronse varias entrevistas nas que se conseguiron algúns resultados positivos, pero pensamos que as relacións terían que ser moito máis productivas para todo o que conleva a nosa asociación.

  • Consellería de Educación (setembro)
  • Secretaría Xeral para o Deporte (outubro, novembro, decembro, febreiro, marzo)
  • Pendentes novos contactos cos mesmos organismos e coa Consellería de Cultura

Participacións de Brinquedia na organización de eventos, a través de algún dos seus asociados:

  1. Festa de celebración do Día da Independencia do Senegal – Ourense
  2. Actos da festa de chegada da primavera chinesa (festa dos papaventos) – Ourense
  3. Actividade Erasmus “FISU” – Vigo

Renovación da Xunta directiva: está prevista unha renovación da Xunta directiva para o que se convocará a correspondente asambleia  de cara ao mes de xuño.

Asamblea da AEJDT: posibilidade que a reunión correspondente á primavera de 2011 se realice en Santiago de Compostela.