Category Archives: novas da directiva

Novas referentes a xuntanzas, decisións e funcionamento da directiva da asociación

Comunicado sobre o XII Encontro Escolar de Xogos Tradicionais

Dende a Xunta Directiva de Brinquedia Rede Galega do Xogo Tradicional queremos desculparnos encarecidamente polo problema acaecido este ano co XII Encontro Escolar de Xogos Tradicionais, sendo a primeira vez que debemos adiar o evento.

O motivo da cancelación estivo ocasionado polo revés da chuvia e dun contratempo de última hora coas instalacións cubertas, considerando que a mellor opción para a seguridade, principalmente das nenas e nenos participantes, era suspender a xornada do sábado.

Sentimos as molestias ocasionadas a todas as persoas que facedes posible a celebración do Encontro Escolar de Xogos Tradicionais, pois sen vós, a vosa confianza e apoio, sería impensable continuar co evento ano tras ano:

En primeiro lugar, ás e ós participantes dos diferentes centros educativos, que cada ano vides xogar con nós, que nos motiva a continuar cada ano.

Ao voluntariado, que continua crecendo, e sen o que sería imposible a súa celebración.

Ás persoas colaboradoras dos diferentes grupos e asociacións, que sempre poñen á nosa disposición os xogos e o seu tempo.

E ás entidades patrocinadoras, como Gadis ou Feiraco, e Concellos que cada ano fan posible que o xogo tradicional teña un lugar de encontro.

Esperamos seguir contando con vós, e en breve esperamos poder aportarvos algunha nova relacionada coa xornada adiada. Grazas, grazas e novamente grazas.

ASEMBLEA DE VERÁN DA AEXDT – MAUVEZIN (GERS)

Pills viagra online canadian pharmacy online viagra

Entre o 24 e 0 26 de xuño desenvolvíase na localidade francesa de Mauvezin (Gers – Pays Ports de Gascogne) a Asemblea de verán da AEXDT, exercendo como organizadoras/es e excepcionais anfitrións/oas as/os compañeiras/os de FDFR 32 (Foyers ruraux – CRJSTO).
Despois de aprobar as contas, a acta da asemblea anterior e o informe moral do seu Presidente, informouse sobre as novas incorporacións á Asociación, entre as que se atopan a Fundacion Zaragoza 2016, os bretóns de Ti ar Gouren e as asociacións catalanas Lo LlautAnem de Bolit.

Asi mesmo, informouse dos actos e eventos nos que ten participado a AEXDT desde a Asemblea de Guarda do ano pasado; as Conferencias de Aosta, Valencia, Lesneven… así como o Congreso do ITSGA (Asociación Internacional de Xogos e Deportes Tradicionais, de recente creación), previsto para o vindeiro mes de setembro na localidade italiana de Verona, dentro do marco do Toca-tí.

Continue reading

PROPOSTA AO PARLAMENTO EUROPEO PARA UNHA RESOLUCIÓN SOBRE OS XOGOS E DEPORTES DE TRADICIÓN CULTURAL EN EUROPA

A Asociación Europea de Xogos e Deportes Tradicionais (AEXDT), ONG internacional cuxo traballo é recoñecido pola UNESCO, solicita aos seus representantes do Parlamento Europeo o recoñecemento oficial dos xogos e deportes de tradición cultural na unión Europea. A AEXDT, creada no 2001, e as seus cincuenta e oito organizacións inscritas, entre as que se atopa BRINQUEDIA, representando a centenares de miles de persoas, considera que a nosa sociedade esixe xa este paso histórico.

Desde a directiva de Brinquedia e desde a AGXPT, tamén membro da nosa asociación, mantivéronse contactos con Ana Miranda, eurodiputada do BNG no Parlamento Europeo. A través do seu grupo Verdes – Alianza Libre Europea proponen as seguintes iniciativas:

  • unha iniciativa parlamentar dirixida á Comisión Europea (a cuestión escrita depositada no Parlamento polo eurodiputado Oriol Junqueras pódese consultar na seguinte ligazón)

http://www.europarl.europa.eu/sides/getDoc.do?pubRef=-//EP//TEXT+WQ+E-2011-004920+0+DOC+XML+V0//ES

  • unha declaración por escrito, para o que necesitan a sinatura de 40 eurodiputados/as de 3 grupos políticos distintos
  • enmendas ao informe dos deportes dentro da comisión de cultura e deporte del Parlamento Europeo.

Continue reading