BRINQUEDIA

En pleno verán estanse a desenvolver por todo o país diversas concentracións e baixadas de carrilanas. Algunhas delas conforman probas puntuables para os campionatos galego e español; outras conservan un ton máis lúdico e festivo exclusivamente. Tamén as tradicionais carrilanas de madeira vanse vendo substituidas -pouco a pouco- pola fibra de vidro e outras práticas do que se ven en chamar “deportes de inercia”.

Nas pasadas semanas celebraron-se distintas baixadas, entre a que podemos salientar a de Viloira - O Barco o 10 e 11 de xullo, onde se contabilizaron 103 inscripcións, chegadas –á parte de Galiza- de Barcelona, Asturias, Castela e León.

Eis un video da proba. continúa lendo »

O colexio Frederic Godàs, de Lleida, celebrou o pasado ano o seu “Día do peón” ou como eles mesmos chaman “El día de la baldufa“. Grazas ao noso compañeiro Raúl Nuño pola súa colaboración. Aquí podedes ver o resultado do traballo realizado.

Os nosos amigos e amantes do peón en Cataluña, a “Associació Amics de la Baldufa” foron tan amables de prestarnos e permitirnos usar o seu vídeo sobre o peón para poder colgalo na Internet e así estar a disposición de todo o mundo.

Un moi interesante vídeo que a partires de agora poderedes atopar sempre aquí, en Brinquedia.net.