Author Archives: admin

Campaña “Que se vexa o patrimonio”.

Esta campaña está promovida pola Rede do Patrimonio Cultural, rede á que Brinquedia está adherida.

Con ela preténdese:

  • A creación de espazos informativos e divulgativos na CRTVG dedicados especificamente ao Patrimonio tal e como se esixe na lei e na norma, baixo as que está adscrito o ente público galego.
  • Unha entrevista cos membros da Comisión Permanente de Control da CRTVG/Presidente da CRTVG para compartir con eles as nosas demandas.

Facendo clic na seguinte imaxe pódese acceder ao escrito que fundamenta o por que desta campaña:

III Festival de Xogos e Deportes Tradicionais na Idade Media.

Este sábado, de 17:00 a 21:00 h, desenvolverase esta actividade organizada polo Melga e a Fundación Ricardo Pérez y Verdes.

Terá lugar na parroquia de Riobó, en Cabana de Bergantiños, e podedes atopar toda a información sobre a mesma facenco clic na seguinte imaxe:

Agardamos que esta iniciativa teña unha grande acollida de público e que o mesmo goce das actividades propostas.

 

Vídeo resumo da VIII Xornada de Xogo Tradicional Galego/Portugués.

Esta actividade, organizada por Ponte …Nas Ondas! coa colaboración da Câmara Municipal de Melgaço, desenvolveuse o pasado venres tal e como informamos hai ben pouco.

Cómpre destacar a elevada participación de alumnado, xa que preto de 1000 rapaces e rapazas de ámbalas dúas beiras do Miño estaban citados a participar.

Pois ben, xa hai un pequeno vídeo que resume a actividade. Pódese visualizar facendo clic na seguinte imaxe: